Axel hefur í nógu að snúast

Axel Þorsteinsson

Bakarinn og konditorinn Axel Þorsteinsson hefur í nógu að snúast þessa dagana, en hann hefur yfirumsjón á fjölmörgum bakaríum, kaffihúsum og veitingastöðum í sameinuðu arabísku furstadæmunum.

Nú fyrir stuttu keppti Axel í eftirréttarkeppni í Kúveit og gerði sér lítið fyrir og sigraði í keppninni með glæsibrag. Sjá keppnisfyrirkomulag hér.

Keppt var í mörgum flokkum og starfsfólk frá þeim veitingastöðum, sem Axel er með yfirumsjón á, voru einnig sigursæl

Eftirrétturinn sem að Axel keppti með

Keppt var í mörgum flokkum og starfsfólk frá þeim veitingastöðum, sem Axel er með yfirumsjón á, voru einnig sigursæl og komu 4 silfur,- og 8 bronsverðlaun í hús, glæsilegur árangur þar.

Princi opnar

19. febrúar s.l. opnaði enn einn veitingastaðurinn sem heitir Princi sem staðsettur er í verslunarmiðstöðinni Avenues í Kúveit.

Princi tekur 130 manns í sæti og býður upp á fjölbreyttan matseðil og yfirkokkur þar er Kurt Abrahams.

Lífið hjá Axel er ekki alltaf dans á rósum, en 6 veitingastaðir á hans vegum hafa lokað inn í sal á veitingastöðunum og er einungis boðið upp á take away afgreiðslu, vegna COVID-19 Kórónaveirunnar þar í landi. Sölutölur fyrirtækjanna hríðfellu um sjötíu prósent s.l. tvær vikur.

Þetta er níundi staðurinn sem að Axel opnar í miðausturlöndunum

„Mitt hlutverk er að sjá um veitingastaðina á vegum Bouchon Bakery, Cafe coco, Veranda og núna Princi. Ég þarf að sjá til þess að gæði séu á öllum stöðum, matseðla og hanna næstu staði sem við verðum með.

Við erum að horfa meira á Dubai, þar sem við viljum koma Princi og Bouchon betur inn eins og okkur hefur tekist í Kuwait.“

Sagði Axel í samtali við veitingageirinn.is

Þetta er níundi staðurinn sem að Axel opnar í miðausturlöndunum, þ.e. í Dubai, Abu Dhabi, Kúveit, Qatar og Bahrain.

Sjá fleiri greinar um Axel hér.

Mynd: úr einkasafni / Axel Þorsteinsson