Á þitt fyrirtæki heima á Fjárfestahátíð Norðanáttar?

Teymi Norðanáttar 2023 ásamt ráðherrum á síðustu hátíð.

Fjárfestahátíð Norðanáttar er vettvangur fyrir sprota- og vaxtarfyrirtæki til að kynna verkefni sín sem snerta til dæmis orkuskipti, hringrásarhagkerfið, fullnýtingu auðlinda eða aðrar grænar lausnir fyrir fullum sal fjárfesta.

Sjá einnig: Vel heppnuð fjárfestahátíð á Siglufirði – Sigló veitingar grilluðu fyrir gesti – Myndir og vídeó

Á þitt fyrirtæki heima á Fjárfestahátíð Norðanáttar?

Þeir sem geta sótt um:

• Sprotafyrirtæki: Verkefni á fyrsta stigi fjármögnunar sem leita eftir fjármögnun á bilinu 20 m.kr. til 100 m.kr.

• Vaxtarfyrirtæki: Verkefni sem hafa fengið fjármögnun, eða vaxið af eigin tekjum, en þurfa aukið fjármagn til að stækka enn frekar og leita eftir fjármögnun upp á 100 m.kr. eða meira.

Öll sem telja verkefni sín falla undir orkuskipti, hringrásarhagkerfið, fullnýtingu auðlinda eða aðrar grænar lausnir, er frjálst að senda inn umsókn. Með umsókn skal fylgja glærukynning (e. pitch deck) samkvæmt eftirfarandi uppskrift:

• Forsíða (logó og oneliner)

• Vandamálið sem þið eruð að leysa

• Lausn (hvernig þið leysið vandamálið)

• Varan eða þjónustan (hvernig virkar hún)

• Sérstaða lausnarinnar umfram aðrar lausnir á markaði

• Markaðurinn (stærð og staða markaðar sem þið stefnið inn á)

• Grip á markaðnum (árangur hingað til sem sýnir „proof of concept“)

• Tímalína (vörður hingað til og áfangar framundan)

• Tekjumódel 

• Fjármögnun 

• Teymið og tengiliðaupplýsingar

Allar umsóknir sem berast fara fyrir sérstaka valnefnd. Verkefnin sem valin verða af valnefnd fá að kynna verkefni sín á Fjárfestahátíðinni á Siglufirði fyrir fullum sal af fjárfestum, ásamt því að fá að taka þátt í sjálfri hátíðinni. Teymin sem verða valin munu einnig fá þjálfun og leiðsögn hjá sérfræðingum sem tryggja góðan undirbúning fyrir stóra daginn á Siglufirði.

Þjálfun og þátttaka á hátíðinni er frumkvöðlum að kostnaðarlausu, en gerð er krafa um að teymin komi sér sjálf til Siglufjarðar.

Fyrir frekari upplýsingar má hafa samband við verkefnastjóra Norðanáttar á netfangið [email protected]

Sótt er um á nordanatt.is á vefsvæði fjárfestahátíðarinnar

Umsóknarfrestur er til og með 31. janúar 2024.

Myndband frá fjárfestahátíðinni Norðanátt sem haldin var á Siglufirði í mars 2023.

Auglýsingapláss

Mynd og myndband: nordanatt.is