Daniel Kruse – Grand hótel

Gestakokkur Grand Restaurant er Daniel Kruse, inngangurinn að matseðlinum er upptalning á svaðalegum ferli þessa mikla snillings, spallaði við hann, svellkaldur og yfirvegaður í miðri keyrslu á nýendurhönnuðum veitingastað Grand Restaurant í Grand hótel við Sigtún, og Grandmenn til lukku með frábæra yfirhalningu á salnum, virkilega vel heppað!

Daniel er margverðlaunaður, hokin af reynslu og mjög spenntur fyrir Food and Fun núna 2014. Daniel hefur verið einn eftirsóttasti matreiðslumeistari Norðurlanda og víðar um árabil. Daniel hefur verið yfirmatreiðlsumeistari á Lassen´s Restaurant á Stammershalle hótelinu og notar þar hráefni úr héraði í bland við klassíkina á frumlegan hátt, sem skilaði sér algjörlag í matseðil kvöldsins, virkilega vel útfærður matur og ekki spillti fagleg þjónusta og góð þekking þjóna í sal á þvi sem á borð var borið.

Food and Fun matseðill:

Smakk úr eldhúsi #1
Hreindýratartar, eggjakrem og rauðrófur

Milt villbráðarbragð, mjúkt kjötið og stökk rauðrófan, þetta var skemmtileg byrjun

Smakk úr eldhúsi #2
Léttreykt þorskhrogn og kaviar

Gott reykbragð, mildur mysukeimur, hæfileg selta, bragðupplifun

Fyrsti réttur
Heitreykt bleikja, steinseljurót, fennel og súraldin

Vá þvílíkt nammi, hreint og tært bragð af öllum atriðum, flauelsáferð á steinseljurótarkreminu, vel útfærður réttur

Forréttur
Humar, Jerúsalem ætiþistlaís, sólselja og malt

Mildur humar, fallega eldaður, hárnákvæmt jafnvægi, danska nynordiska eldhúsið að sýna klærnar!

Aðalréttur
Lambahryggvöðvi – hægelduð og steikt grísasíða, blandaðir laukar, soðgljái með eplum og bjór

Meyrt lamb, svaðalega vel elduð grísasíða, hörkudiskur með skemmtilegum samsetningum, sætir laukar steinlágu sem meðlæti

Eftirréttur 1
Skyr og sítróna

Alltaf gaman að fá marga eftirrétti, sérstaklega hjá eftirréttasnilling eins og Daniel er. Skyrmús, mjúkur marengs, hvíttsúkkulaði, hárbeitt samsetning, fantagóður

Eftirréttur 2
Súkkulaði og hafþyrnisber

Súkkulaði á 4 vegu, plata, dökk kaka, mús og brennt súkkulaði, berin og passiongel, unaðsleg samsetning, fallegur diskur

/Matthías & frú

Allar Food and fun fréttir og umfjallanir hér.