Nýr samstarfssamningur KM og Garra

Magnús R. Magnússon framkvæmdastjóri Garra og
Alfreð Ó. Alfreðsson forseti KM

29. apríl s.l. var kynntur formlega nýr gull-samstarfssamningur Klúbbs Matreiðslumeistara og Garra ehf.   Var það gert af Magnúsi R Magnússyni framkvæmdastjóra Garra og Alfreð Ó. Alfreðssyni forseta KM  í Hafnarhúsinu í móttöku Garra fyrir viðskiptavini.

Móttakan var haldin í tilefni af útgáfu vörulista ársins 2009 og opnunar nýrrar heimasíðu Garra.

Stjórn KM fagnar þessu nýfengna samstarfi við öflugt fyrirtæki sem hefur í ártugi sérhæft sig í þjónustu við matreiðslumenn og matargeirann. Fyrirtækið var stofnað 1973 af  Magnúsi R Jónssyni.

Garri ehf. leggur mikla áherslu á góð tengsl við matreiðslugeirann og hjá fyrirtækinu starfa meðal annarra 6 matreiðslumenn við innkaup og sem sölutengiliðir við fagfólk.

Þessi samningur mun styrkja faglegt starf KM og er það von stjórnar KM að félagsmenn beini viðskiptum sínum til samstarfsaðila KM nú sem fyrr.

Stjórn Klúbbs Matreiðslumeistara

Mynd: © Basi.is