Siggi Hall: „Það hefur verið mikill áhugi á Food & Fun hjá Finnum undanfarin ár“

Finnsku matreiðslumennirnir sem taka þátt í Food & Fun

Eins og greint hefur verið frá þá verður Food and Fun hátíðin haldin í borginni Turku í Finnlandi 1. – 5. október næstkomandi.  Hátíðin verður með svipuðu fyrirkomulagi og á Íslandi þar sem fjölmargir þekktir erlendir matreiðslumenn sýna hæfileika sína fyrir finnskum matgæðingum á helstu veitingahúsum í Turku.

Siggi Hall, frumkvöðull og skipuleggjandi Food & Fun á Íslandi ásamt Baldvini Jónssyni, hefur unnið að skipulagningu hátíðarinnar fyrir hönd viðburðafyrirtækisins Main Course sem hefur umsjón með verkefninu í Finnlandi, rétt eins og á Íslandi.

Það hefur verið mikill áhugi á Food & Fun hjá Finnum undanfarin ár. Í fyrra komu um 70 manns frá Finnlandi til Íslands bara til að vera á hátíðinni og útlit fyrir enn frekari fjölgun í ár. Við höfum átt í þó nokkrum samskiptum við Finnana og þau samskipti urðu til þess að þessi hugmynd kom fram, að halda Food & Fun í Turku. Ég var gestakokkur á veitingastað í Turku í fyrrasumar og þá hófust þessar umræður fyrir alvöru. Svo ákváðum við bara að slá til og gera þetta, það var ákveðið núna í apríl eða maí síðastliðnum. Við erum því bara að vinna að því að setja upp hátíð með sömu hugmyndafræði og við höfum beitt hér heima en aðlaga hlutina þó að finnsku umhverfi.

, sagði Siggi Hall í samtali við Bændablaðið, en hægt er að lesa ítarlega umfjöllun um Food & Fun í Finnlandi með því að smella hér. (bls. 32).

Mynd: Bændablaðið

/Sverrir