Svona leit fyrsta jólahlaðborðið út á Hótel Ísafirði árið 1988

Ólafur Haralds starfaði með Þorsteini á Hótel Ísafirði

Þorsteinn F. Þráinsson matreiðslumeistari birti nú fyrir skömmu á facebook myndir af fyrsta jólahlaðborði á Hótel Ísafirði um árið 1988.

Við fjölskyldan fluttum vestur í byrjun september árið 1988 og ég hóf störf á Hótel Ísafirði. Það var síðan í desember sem ákveðið var að hafa jólahlaðborð sem voru að verða vinsæl í Reykjavík. Það voru allir að gefast upp á rúsínuáti í starfsmannaglöggi, þær fóru svo illa í hausinn á mönnum daginn eftir.

, sagði Þráinn hress aðspurður um hvers vegna að bjóða upp á jólahlaðborð en ekki hið vinsæla jólaglögg.

Þorsteinn F. Þráinsson

Þetta var ákveðið með stuttum fyrirvara, auglýsing sett í bæjarblaðið Bæjarins Besta á miðvikudegi og svo var beðið eftir pöntunum. Það týndust nokkrir inn, tæplega 40 manns. Árið eftir voru haldin tvö jólahlaðborð og mig minnir að það hafi verið ca. 40 manns á hvoru.

Það var síðan árið 1990 sem töluverð aukning varð og mættu ca. 200 manns á jólahlaðborðið og svo jókst þetta koll af kolli og náði um 800-900 manns á 6-8 hlaðborðum, en það fór allt eftir því hvað margar helgar náðust á aðventunni.

….sagði Þorsteinn F. Þráinsson matreiðslumeistari og eigandi Muurikka að lokum í samtali við veitingageirinn.is.

Myndir úr safni Þorsteins og eru birtar hér með góðfúslegu leyfi hans.

/Smári