Kántrýbær til sölu

Það er hægt að lifa af þessu fyrir duglegt fólk

, segir Gunnar Halldórsson, tengdasonur Hallbjarnar Hjartarsonar kúrekasöngvara á Skagaströnd, sem auglýst hefur Kántrýbæ til sölu.

Við ætlum að selja reksturinn en halda húsinu fyrst um sinn

, segir Gunnar í samtali við Eirík Jónsson.

Gunnar og Svenny,eiginkona hans, hafa rekið Kántrýbæ eftir að Hallbjörn dró sig í hlé frá rekstrinum fyrir mörgum árum og kynferðisafbrotamál kántrýsöngvarans setti strik í reikninginn.

Það mál hefur ekki bitnað á rekstrinum því það var aukning hjá okkur í sumar miðað við tvö árin þar á undan. Enda eru langflestir viðskiptavina okkar yfir sumartímann útlendingar. Kántrýbær er frægur á vefsíðum erlendis

, segir Gunnar sem þegar hefur fengið nokkur óformleg tilboð í reksturinn.

Það eru nokkrir að skoða þetta.

Kántrýbær er opinn allt árið og hafa Gunnar og Svenny séð um skólamatinn á Skagaströnd úr eldhúsi Kántrýbæjar yfir vetrartímann og munar um minna.

En hvar er Hallbjörn Hjartarson?

Hann er hérna í bænum en það fer lítið fyrir honum. Það má segja að hann hafi dregið sig inn í skel sína.

Myndir: eirikurjonsson.is og kantry.is

/Sverrir