Fiskbúðin Vegamót

Birgir Rafn Ásgeirsson

Þarna hefur verið verslunarrekstur svo langt sem ég man fyrst nýlenduvöruverslun en seinni árin fiskbúð og sú sem um er rætt hefur verið starfandi síðan í mars síðastliðnum og er rekin af matreiðslumanninum Birgi Rafn Ásgeirssyni.

Strax þegar inn er komið heillast maður af borðinu en þar er samspil spegla, klaka (ekki mattur ís) og fallega uppsetning á hráefninu.

Hann er með á boðstólunum 3 tegundir af sósum sem hann selur sér í boxum, einnig með bæði sjávarréttarsúpu og Humarsúpu í kg dósum, en Birgir notar ekki hvítt hveiti og hvítan sykur í það sem hann lagar þannig að súpurnar eru þykktar með grænmeti.

Okkur í SS sveit veitingageirinn.is var boðið að smakka á sjávarréttarsúpunni, bakaðari lúðu í sítrónulegi og þorsk í terryjaki að hætti Birgis og smakkaðist allt alveg prýðilega og sýnir hvað matreiðslumenn geta fært fiskbúðir upp á æðra plan sökum fagþekkingar.

Ekki má gleyma kartöflusalati staðarins sem er nýjar kartöflur með hýði, vorlaukur, coriander, capers og eitthvað leynikrydd sem ekki var hægt að toga út úr honum, en ef hann er ekki með það í borðinu eru kerlingarnar í hverfinu strax farnar að nöldra.

Við hjá veitingageirinn.is óskum Birgi alls hins besta í framtíðinni.

Myndir: Smári

Texti: Sverrir

Taggaðu okkur á Instagram: #veitingageirinn og myndirnar birtast sjálfkrafa á forsíðunni.