Bættu smá bragði af New York í líf þitt – New York dagar á VOX

Í samvinnu við Icelandair heldur VOX Restaurant sannkallaða matarveislu 18. – 21. september þar sem víðkunnir gestakokkar frá New York töfra fram freistandi, alþjóðlega rétti í hinum eina og sanna New York anda. Þú þarft ekki að fara lengra til þess að kynnast því sem auðkennir matarmenninguna í New York: Matargerðar­list frá öllum heimshornum.

New York er einn af vinsælustu áfangastöðum Icelandair. Fjölmargir Íslendingar eiga þaðan góðar minningar um kvöldstund á góðum veitingastað. Hvort sem þú ert einn af þeim, ert að hugsa um að skella þér til New York með Icelandair eða ert nú þegar búinn að bóka, þá er tilvalið að taka forskot á sæluna og líta inn á VOX Restaurant.

Gestakokkar á New York dögum eru:

Michael Aeyal Ginor: Kunnur frumkvöðull í matreiðsluheiminum vestanhafs. Hann rekur nokkra veitingastaði í New York sem hafa unnð til fjölda verðlauna. Ginor er galdramaður.

Douglas Rodriquez: Hann hefur verið nefndur guðfaðir „nýja latínska eldhússins“. Snillingur á heimsmælikvarða. Steikin gerist ekki betri en hjá Rodriguez.

New York matseðillinn:

Fyrsti réttur:
Andalifur að hætti Michael Ginor frá Hudson valley

Annar réttur:
Marineraðir sjávarréttir að hætti Douglas Rodriguez

Þriðji réttur:
Mais Tortillur og önd á þrjá vegu að hætti Douglas Rodriguez

Fjórði réttur:
New York KOBE sirloin steik með lauk marmelaði – Michael og Douglas

Eftirréttur:
Karmellað “French toast” með reyktum döðlum, möndluís og Amarena kirsuber

Verð kr. 9.900.-

Mynd: Vox.is

/Sverrir

Taggaðu okkur á Instagram: #veitingageirinn og myndirnar birtast sjálfkrafa á forsíðunni.