Agnar stóð sig með stakri prýði og var okkur til sóma | Agnar komst ekki í 8 manna úrslit

Agnar Fjeldsted í óáfengri kokteilkeppninni í morgun

Agnar Fjeldsted keppti í morgun í sérstakri óáfengri kokteilkeppni sem fram fór á Hilton Prague hótelinu í Prag í Tékklandi.  Kokteilkeppni var haldin á vegum Mattoni sódavatnsfyrirtækis og þurftu drykkirnir að innihalda mjög lítið magn af kaloríum.  Agnar komst því miður ekki í 8 manna úrslit, en þau lönd sem komust áfram voru Búlgaría, Pólland, Króatía, Slóvenia, Úkraína, Austurríki, Tékkland og Eistland.

Keppendur voru 48, einn frá hverju landi en úrslit ráðast á morgun þar sem keppt verður um fyrstu þrjú sætin.  Í verðlaun fyrir fyrsta sætið er 10.000$, annað sætið 3.000$ og þriðja sætið 2.000$.

Einnig verða veitt verðlaun fyrir fagleg vinnubrögð og bestu skreytinguna.

Agnar stóð sig með stakri prýði og var okkur til sóma.

Eftirfarandi myndir eru skjáskot úr beinu útsendingunni í morgun á Hilton Prague hótelinu:

Mynd af Agnari: Sigrún Guðmundsdóttir
/Smári

Þið þekkið þetta, merkið Instagram myndirnar með hashtaginu #veitingageirinn og leyfið okkur að fylgjast með.