Aðalsteinn Bjarni vann Absolut Invite Iceland 2014

Verðlaunahafar F.v. Jakob Már Harðarson (3. sæti), Aðalsteinn Bjarni Sigurðsson (1. sæti) og Andrea Benediktsdóttir (2. sæti)

Flestir af færustu barþjónum landsins tóku þátt í kokteilkeppninni Absolut Invite Iceland sem haldin var miðvikudag 12. febrúar á hinum rómaða veitingastað Loftið þar sem gríðarleg stemmning myndaðist meðal keppenda og gesta.

Fókus keppninnar í ár er eingöngu á lúxus vodkann Absolut ELYX sem aðalefnishluta. Keppendur voru einnig hvattir til að nota önnur „handcraft“ hráefni og að búa til og nota eigin íblöndunarefni eða rekjanlega vöru eins og hunang, marmelaði, sultur, ávexti, sýróp og líkjöra.

Fjöldi barþjóna höfðu verið boðinn þáttaka og verðlaunin eru glæsileg en sigurvegarinn hlaut ferð til Svíþjóðar og þátttökurétt til að etja kappi við bestu barþjóna norður Evrópu í Absolut Invite í lok maí.

Absolut Invite er mjög krefjandi keppni fyrir barþjóna því áður en þeir stigu inn fyrir barborðið á Loftinu og blönduðu tvo kokteila voru þeir búnir að taka skriflegt próf um sögu Absolut og kokteila, ásamt því að að finna út með blindsmökkun tíu áfengistegundir og finna út tvo íblöndunarefni í tveim mismunandi Absolut ELYX kokteilum.

Dómarar í ár voru reynsluboltanir Tómas Kristjánsson forseti barþjónaklúbbs Íslands og eigandi á veitingastaðnum Steikhúsið, Ásta Guðrún eigandi á veitingastaðnum Kopar, Steingrímur Sigurgeirsson vínrýnir á Vinotek, Alba vínþjónn á Slippbarnum og vín-og matgæðingurinn Ólafur Örn Ólafsson var kynnir kvöldsins.

Úrslit

1. sæti Aðalsteinn Bjarni Sigurðsson frá veitingastaðnum Kol
2. sæti Andrea Benediktsdóttir frá Grillinu Hótel Sögu
3. sæti Jakob Már Harðarson frá Grillinu Hótel Sögu

Drykkirnir

Aðalsteinn Bjarni

Nr.5

4,5 cl Myntu Infused Elyx Absolut Vodka

1,5 cl Grape Absolut Elyx Líkjör

1,5 cl Hunang

1,0 cl Ferskur gingersafi

2,25 cl Ferskur limesafi

1 eggjahvíta

2 dass af Heimagerður appelsínubitter með Elyx Vodka Toppað með

sódavatni

Nr.7

4,5 cl Absolut Elyx

2,25 cl El Coto Grand Reserva Rioja

1,5 cl Ferskur Limesafi

0,75 cl Timían/Ananassýróp

2 dass Heimagerður kaffibitter með Elyx Vodka

Andrea

Aromatic Elixir

3 cl sítrónusafi

2 cl orange anís síróp

2 cl heimagerður aromatic bitter

2 cl Tea&Chili-infused Absolut Elyx

2,5 cl Absolut Elyx

1 cl hunangssíróp

2 tsk. berjasulta

dass eggjahvíta

Sourcreme

2 Ferskir Passionfruit

6 Myntublöð

3 tsk rósmarínsykur

1/2 lime

1/4 sítróna

3 cl Absolut Elyx

3 cl rjómi

1 cl vanillu&engifer síróp

Jakob Már

Down by the sea

4 cl Absolut Elix

2 cl soð af krækling

1 cl sítrónusafi

9 cl tómatsafi

íslenskt þurrkað söl á glasabarm

Kræklingur soðinn í hvítvíni og saffran í ca 5 mín. soð sigtað frá.

Íslenskir pressaðir tómatar

Allt hráefni hrist saman á ís

Glasabarmur vættur með sítrónu og söli

Strainað í on the rocks glas á klaka

Ofan á klakana í glasinu er síðan settur einn kræklingur ásamt ferskum svörtum pipar og vatnakarsa

Omnon love deligth

3 cl Absolut Elix

2 cl súkkulaði síróp

1 cl maukuð jarðarber

0,5 cl hálfþeyttur rjómi

skvetta sítrónusafi

66% Omnon madgagaskar súkkulaði brætt með púðursykri vatni vanillustöngum og sítrónu

Allt hráefni hrist saman á ís

Glasabarmur skreyttur með jarðarberi og súkkulaði

Strainað í kokteilglas

Dómarar f.v. Ólafur Örn Ólafsson kynnir, Alba vínþjónn á Slippbarnum, Steingrímur Sigurgeirsson vínrýnir á Vinotek, Tómas Kristjánsson forseti barþjónaklúbbs Íslands og eigandi á veitingastaðnum Steikhúsið, Ásta Guðrún eigandi á veitingastaðnum Kopar

Ólíkar og bragðmiklar útgáfur
Hið sænska Absolut vodka er eingöngu unnið úr náttúrulegum afurðum ólíkt mörgum öðrum vodka tegundum en það er eingöngu unnið úr vetrarhveiti frá Skåne í suðurhluta Svíþjóðar. Í raun er Absolut vodka eins tært og vodka getur mögulega verið. Þrátt fyrir að vera svona tært og hreint þá hefur það samt sem áður eigin karakter í bragði, er ríkulegt með góða fyllingu, mjúkt og milt en nokkuð flókið í senn í bragði.

Absolut er fáanlegt í ýmsum útgáfum og þá tónað með bestu hugsanlegu náttúrulegum bragðtegundum, þó ekki þannig að það hafi áhrif á upprunalega áferð eða tærleika drykkjarins. Þar sem nánast enginn sætleiki er til staðar hentar Absolut vel sem grunnur í alla kokteila og ýmsa aðra drykki. Það er um að gera að nota hugmyndaflugið og finna sinn uppáhaldsdrykk.

Sumar bragðtegundir eru ávallt á boðstólum en aðrar í takmörkuðu magni. Þær þekktustu eru til dæmis Absolut Citron, Absolut Raspberri, Absolut Mandrin og Absolut Vanilia. Fleiri tegundir gera það gott á veitingahúsum og börum, eins og Absolut Gräpevine, Absolut Mango, Absolut Pears og Absolut Orient Apple þar sem tekist hefur skemmtilega að draga fram ferskt einkenni grænna og rauðra epla ásamt engiferrót.

Myndir: Björn Blöndal

/Tolli