Viltu taka þátt í Norðurlandamóti þjóna? – Skráning er hafin

Þriðjudaginn 3. september 2019 verður sett upp undankeppni fyrir áhugasama þjóna vegna Duni Cup 2020. Einu skilyrðin fyrir þátttöku er að viðkomandi þarf að vera útskrifaður framreiðslumaður.

Duni Cup er Norðurlandamót þjóna sem haldið verður í Herning 25. febrúar 2020. Keppnin er haldin ár hvert og hafa íslenski framreiðslumenn tekið þátt síðan árið 2015 og er mikill vilji hjá stjórnendum á Íslandi að halda því áfram.

Undankeppnin skiptist í þrennt:

• Skriflegt próf um almenna þekkingu og vinnubrögð
• Vínpörun og munnleg vörn
• Sterkvíns auðkenning

Sigurvegari keppir í Herning 25. febrúar 2020

Sá sem skorar hæðst í undankeppninni, öðlast keppnisréttindi í Norðurlanda mótinu og þar verður meðal annars keppt í:

• Uppdekning á 6 manna borði + service borð og vinnustöð
• Kampavíns Sabering
• Blindsmakk á léttvínum
• Suprice Service
• Fine dining service

Frekari tímasetningar og staðsetning tilkynnt síðar.

Skráning er hafin

Áhugasamir sendið póst á [email protected] og ykkur verður sent til baka nauðsynleg próf gögn og aðrar upplýsingar.

Mynd: úr safni