Úrvals keppendur og dómarar á „Eftirréttur Ársins 2016“

Keppendur frá því í fyrra

Mikill áhugi er fyrir keppninni Eftirréttur Ársins 2016, sem Garri heldur ár hvert, og hafa gæði keppninnar aukist mikið ár frá ári.

Keppnin fer nú fram á VOX Club á Hilton Reykjavík Nordica fimmtudaginn 27. október og stendur yfir allan daginn frá kl. 9.00.

Úrslit verða svo kynnt kl. 17.00 samdægurs á VOX Club.

Garri býður öllum áhugasömum að koma á VOX Club og fylgjast með keppninni og sjá keppendur raða saman spennandi eftirréttum.

Í eftirréttakeppni Garra verða eftirfarandi aðilar í dómgæslu; Karl Viggó Vigfússon verður yfirdómari og meðdómendur þeir Alfreð Ómar Alfreðsson og Kent Madsen frá Cacao Barry.

Það er mikill heiður að fá þessa einstaklinga til starfa en þeir hafa mikla reynslu í matreiðslukeppnum og dómarastörfum.

Listi yfir keppendur í stafrófsröð.
Athugið að þetta er ekki rásröð keppenda.