Ungmenni brutust inn á veitingastað á fyrrverandi varnarsvæði Keflavíkurflugvelli

 
Officer klúbburinn til sællar minningar (ekki var brotist inn í hann)

Laust fyrir miðnætti voru fimm ungmenni handtekin inni á fyrrverandi veitinga- og keilustað á varnarsvæðinu á Keflavíkurflugvelli.

Höfðu þau brotist þar inn og eru grunuð um að hafa farið þar nokkrum sinnum áður. Ungmennin eru að auki grunuð um að hafa verið þar við fíkniefnaneyslu og að hafa unnið þar nokkur eignaspjöll.

Þau voru vistuð í fangaklefum lögreglunnar, en haft er eftir lögreglunni að þau voru færð til skýrslutöku i morgun. Þau eru á aldrinum 16 til 17 ára, þrír piltar og tvær stúlkur.

Mynd: Freisting.is | [email protected]