Undanúrslit í keppninni Kokkur ársins 2016 verður á mánudaginn næstkomandi

Mynd frá keppninni í fyrra sem hét þá Matreiðslumaður ársins. Sigurvegarinn Atli Erlendsson, matreiðslumaður á Grillinu á Hóteli Sögu.

Klúbbur matreiðslumeistara og Kokkalandsliðið standa fyrir keppninni Kokkur ársins 2016 sem haldin verður í Hörpu dagana 8. og 13. febrúar.

Eins og fram hefur komið þá höfðu allir faglærðir matreiðslumenn möguleika á að senda inn eina uppskrift af kjúklingarétti í keppnina ásamt mynd af réttinum. Innsendar uppskriftir voru nafnlausar en alls bárust 15 innsendingar. Dómnefnd valdi 10 uppskriftir sem þeim þótti skara fram úr í frumleika, nýtingu hráefnis, útliti og bragði.

Þeir 10 keppendur sem komust áfram í undanúrslit eru:

• Ari Þór Gunnarsson, Fiskifélagið
• Arsen Aleksandersson, Haust Fosshótel
• Axel Björn Clausen Matias, Fiskmarkaðurinn
• Denis Grbic, Grillið Hótel Saga
• Hafsteinn Ólafsson, Nasa
• Jóel Þór Árnason, Perlan
• Logi Brynjarsson, Höfnin Veitingastaður
• Sigurjón Bragi Geirsson, Kolabrautin
• Stefán Eli Stefánsson, Perlan
• Ylfa Helgadóttir, Kopar

Undanúrslitarkeppnin fer fram á veitingastaðnum Kolabrautinni í Hörpu mánudaginn 8. febrúar kl. 10.00 -15.00. Úrslit verða tilkynnt kl. 16.00 þar sem fimm bestu kokkarnir tryggja sér þátttökurétt í úrslitakeppninni sem haldin verður í Hörpu laugardaginn 13. febrúar þar sem Kokkur ársins 2016 verður krýndur um kvöldið.

Allir eru velkomnir að koma og fylgjast með keppninni og sjá meistara kokka að störfum.

Mynd: Eiríkur Ingi Bengtsson Helgason.