Tugir íslenskra bakara á stærstu sýningu í heiminum á sviði bakaraiðnar og konditori

1255 fyrirtæki frá 58 löndum sem sýndu vörur sýnar og þjónustu

Dagana 12- 17. september síðastliðinn var fagsýningin IBA 2015 haldin í München. Sýningin var staðsett að vanda á Messegelände München og fyllti hún heilar 12 hallir að þessu sinni.

Hinn heimsfrægi súrdeigsbakari Chad Robertson frá Tartine bakery í San Francisco var á sýningunni – www.tartinebakery.com

Það voru 1255 fyrirtæki frá 58 löndum sem sýndu vörur sýnar og þjónustu og 77.500 gestir frá 164 löndum heimsóttu sýninguna. Sýningin er sú stærsta í heiminum á sviði bakaraiðnar og konditori og er mjög alþjóðleg í alla staði og til gamans má nefna að 61% gesta sýningarinnar komu erlendis frá og 39% frá þýskalandi. Sömu sögu má segja um sýnendur en 59% þeirra komu erlendis frá og eykst hluti kínverskra sýnenda meir og meir.

Þessi skreytti bíl á meðan aðrir skreyttu kökur

Mikill fjöldi íslenskra bakara á sýningunni

Hver einasta sýningarhöll var með sýna sérstöðu, en mesta lífið var í höll B3 þar iðaði allt af lífi frá opnun til lokunar.

Ástæða þess var sú að þar voru landsamband þýskra handverksbakara og þýska konditorsambandið með bása sýna. Alla daga var keppt í bakstri í umræddri höll og ekki var þverfótað fyrir áhugasömu fólki á öllum aldri. Mikill fjöldi íslenskra bakara var líka á sýningunni eða milli 30 og 40 manns.

Sýningin er sú stærsta í heiminum á sviði bakaraiðnar og konditori og til gamans má nefna að 61% gesta sýningarinnar komu erlendis frá og 39% frá þýskalandi.

Flóttamannastraumur til borgarinnar sett sitt mark á sýninguna

Það verður að segja að hinn mikli flóttamannastraumur til borgarinnar sett sitt mark á sýninguna. Aðalbrautarstöðin var full af fólki sem síðan var flutt í tómu hallirnar á sýningarsvæðinu.

Hver einasta sýningarhöll var með sýna sérstöðu