Því færri verðlaunakokkar, þeim mun betri maturinn er

Já, Jónas Kallinn er nú ekki að skafa af hlutunum þegar kemur að skrifum hans um veitingastaði, en á heimasíðu hans má lesa t.a.m. að Grillið, Sjávarkjallarinn hafi „Lyppast“ niður, en þett las Bransinn á síðu hans:

• Eyðimörk matargerðar
  Lyppast hafa niður matstaðir, sem áður voru góðir, frægastir Grillið á Sögu og Sjávarkjallarinn í Geysishúsinu. Mér er sagt, að senn muni Holtið rísa úr öskustó. Ekki veitir af, því að matreiðslu hefur farið aftur í borginni á síðustu árum. Sommelier og Maru hættu og Apótekið er að hætta. Sumir nýir staðir eru sjónhverfingar, líklega settir upp til að vaska peninga úr fíknibransanum. Ég borða á Primavera og Tjörninni, Þremur frökkum og Austur-Indíafélaginu, Laugaási og Tilverunni, Sægreifanum og Kínahúsinu, Jómfrúnni og heima. Því færri verðlaun kokkanna, þeim mun betri matur.

  jonas.is/veitingar

Það eru til fjölmargar sögur um kallinn í gegnum árin um að hann hafi hreinlega ekki gert greinamun á þeim hráefnum sem borið var á borð til hans.  Það er nú bara þannig þegar enginn metnaður er að kynna sér um hvernig veitingagagnrýnandi eigi að bera sig að í rýnum sínum, þá verða skrifin eftir því.

Erlendir veitingagagnrýnendur á virtum tímaritum ofl., setjast á skólabekk og læra allt um að vera góður gagnrýnandi, en því miður er skortur á metnaði hjá rýnum hér á klakanum.

• Þitt álit