Sýningunni Matur 2008 frestað

Við greindum frá í miðjum febrúar s.l. að engar fagkeppni komi til með að vera á sýningunni Matur 2008 og voru ýmsar ástæður gefnar upp hjá fagmönnum sem staðið hafa að keppnum á sýningunni.

Á vefsíðu framkvæmdaaðila sýningarinnar islandsmot.is ber að líta tilkynningu um að henni verði frestað, en fyrirhugað er að sýningin Matur verði haldin í byrjun vetrar og þá með öðrum formerkjum og með nýjum áherslum en verið hafa hingað til.

Ýmsar ástæður eru gefnar upp í tilkynningunni og þar á meðal: “ Ytri aðstæður hafa breyst í þjóðfélaginu og þátttaka í sýningunum í núverandi formi er að þessu sinni ekki eins almenn og gert hafði verið ráð fyrir. Ljóst er að fyrirtæki hafa nú minni fjármuni til fjárfestinga í markaðs og kynningarstarfi á innlendum markaði í tengslum við sýningahald, en verið hefur á undanförnum árum.“

[email protected]