Stálu 4.500 vínflöskum af eðalvíni

Þjófum í Svíþjóð tókst í nótt að komast á brott með 4.500 flöskur af dýru léttvíni. Áfenginu stálu þeir úr 2 víngeymslum í Söderåkra, nokkuð sunnan við Kalmar.

Á fréttavef Ruv.is er greint frá að eigandi segir að þjófnaðurinn hafi verið vel skipulagður. Töluvert hafi þurft að hafa fyrir því að flytja flöskurnar á brott, því þær vegi samanlagt 5-6 tonn. Hann grunar að ætlunin sé að koma eðalvíninu til safnara í Bandaríkjunum.

[email protected]