Spennandi tímar framundan hjá Verslunartækni og Bako Ísberg

Í síðustu viku varð eigendabreyting á tveimur af öflugustu fyrirtækjum landsins í þjónustu við veitingageirann, þ.e.a.s. Verslunartækni og Bako Ísberg.

Sverrir Viðar Hauksson

Nýir eigendur sjá gríðarleg tækifæri í að sameina þessi tvö fyrirtæki í því skyni að styrkja stoðirnar og bæta vöruval og þjónustu enn frekar. Sverrir Viðar Hauksson hefur tekið við stjórnun og rekstri beggja fyrirtækja fyrir hönd nýrra eigenda en að öðru leiti eru ekki fyrirsjáanlegar breytingar á starfsliði félaganna. Veitingamenn ættu því ekki að óttast að þeirra tengiliðir hverfi á braut.

Næstu vikur munu fara í að samþætta reksturinn og í vor er síðan áætlað að fyrirtækin sameinist á einum stað með rúmgóðan sýningarsal og vöruframboð sem teljast mun einstakt hér á landi.

Við munum passa uppá að láta ykkur vita af öllum nýjungum en endilega ekki hika við að hafa samband við okkur ef einhverjar spurningar vakna.