Snapchat vinir veitingageirans á Sumac Pop Up

Jón Bjarni Óskarsson framreiðslumaður sýnir snapchat vinum veitingageirans frá Pop Up kvöldinu á Sumac

Veitingastaðurinn Sumac verður með Pop Up í kvöld föstudaginn 7. júlí og á morgun laugardaginn 8. júlí, en staðurinn er staðsettur við Laugaveg 28. Snapchat veitingageirans verður á Pop Up kvöldinu sem er haldið í þriðja sinn en þar munu starfsmenn Sumac sýna á bak við tjöldin og Snapchat vinir veitingageirans fá að upplifa hvernig keyrsla fer fram á nýjum veitingastað.

Sumac tekur um 80 manns í sæti auk þess er fallegur bakgarður hússins sem verður notaður í ýmsa viðburði. Staðurinn sem er undir áhrifum frá Líbanon, Marokkó og Miðausturlöndunum í mat og drykk hefur að undanförnu verið með Pop up viðburði þar sem boðsgestir geta pantað sér af matseðli og smakkað á girnilegum réttum og drykkjum.

Formleg opnun Sumac verður í næstu viku.

Fylgist vel með á Snapchat: veitingageirinn

Myndir: skjáskot úr snapchat-i veitingageirans.