Skráning er hafin í Eftirréttur ársins og Konfektmoli ársins 2024

Fv. dómararnir Vigdís Vo, Ólöf Ólafsdóttir, Ísak Aron Jóhannsson og sigurvegarnir í fyrra þau Wiktor Pálsson og Sunneva Kristjánsdóttir og dómararnir David Ducamp og Hafliði Ragnarsson

Garri heldur keppnina Eftirréttur ársins og Konfektmoli ársins fimmtudaginn 31. október á Stóreldhús sýningunni í Laugardalshöll og er skráning hafin.

Keppnin á síðasta ári var gríðarlega sterk og þátttaka var góð. Sunneva Kristjánsdóttir sigraði Konfektmola ársins 2023 og Wiktor Pálsson sigraði Eftirréttur ársins árið 2023.

Keppnisrétt hafa þeir sem lokið hafa sveinsprófi í matreiðslu, konditori og bakaraiðn eða eru á nemasamningi í fyrrnefndum greinum. Undantekningartilvik eru metin sérstaklega.

Þema ársins er suðrænt og framandi

Skylduhráefni fyrir Eftirréttur ársins eru þrjú

• Cacao Barry, Zéphyr Caramel™ 35% – hvítt súkkulaði með silkimjúkri áferð og sterku karamellumjólkurbragði.
• Capfruit banana- eða lychee púrra. Frosið ávaxtamauk án viðbætts sykurs. Banana púrran gefur kraftmikið bragð. Lychee púrra er unnin úr fullþroskuðum lychee, framandi ávöxtur með sætu og ilmandi bragði.
• Flaxfiber hvíti börkurinn úr sítrónu, þykkir, stabilizer og gefur mýkri áferð.

Skylduhráefni fyrir Konfektmoli ársins eru tvö

• Cacao Barry, Zéphyr Caramel™ 35% – hvítt súkkulaði með silkimjúkri áferð og sterku karamellumjólkurbragði.
• Capfruit banana- eða lychee púrra. Frosið ávaxtamauk án viðbætts sykurs. Banana púrran gefur kraftmikið bragð. Lychee púrra er unnin úr fullþroskuðum lychee, framandi ávöxtur með sætu og ilmandi bragði.

Nánari upplýsingar um keppnina og vægi matsatriða ásamt skráningu er á heimasíðu Garra hér.

Með fylgja myndir frá keppninni í fyrra.

Myndir: Garri.is