Skin og skúrir í veitingabransanum

Mynd: úr safni

Mikil þensla hefur verið í veitingabransanum á síðustu misserum þar sem ný hótel og veitingahús spretta upp eins og gorkúlur.  Á meðan það gengur vel hjá hótelum og veitingastöðum þá eru aðrir sem þurfa að berjast í bökkum.

Fróðir menn í veitingabransanum segja að nýir veitingastaðir skipta um kennitölu innan við þriggja ára frá opnun þeirra eða um 90% veitingahúsa.

Heimildir um veitinga – og gististaði í Reykjavík.
Mynd: reykjavik.is

Yfirvöld hafa margoft neitað leyfi fyrir hótel og veitingahús á ákveðnum stöðum í Reykjavík, en stefna Reykjavíkurborgar um veitinga- og gististaði er hægt að lesa nánar hér, sem birt var á vef reykjavik.is, 21. júní 2017.

Hagnaður af rekstri

Austurlandahraðlestin við Lækjargötu.
Veitingastaðarnir eru fjórir talsins, við Hverfisgötu 64a, Hlíðasmára 8, Kringlunni og við Lækjargötu 8

Það er alltaf gaman að heyra þegar vel gengur hjá hótelum og veitingastöðum og til að mynda veitingastaðurinn Austurlandahraðlestin, sem sérhæfir sig í indverskri matargerð, hagnaðist um 25,4 milljónir króna á síðasta rekstrarári, samanborið við 20,7 milljóna króna hagnað árið áður að því er fram kemur í vef Viðskiptablaðsins.

Reksturinn gengur vel hjá Íslandshótelum að því er fram kemur á mbl.is, en Íslandshótel skiluðu 293 milljóna króna hagnaði af rekstri samstæðunnar fyrstu 6 mánuði ársins.

Ársreikningur Brauðs og co ehf. sýnir að umsvif félagsins jukust töluvert á síðasta ári. Heildarvelta bakarísins nam 409,8 milljónum króna árið 2017 sem er 98% meira en árið á undan. Hagnaður lækkaði lítillega á milli ára; var 24,6 milljónir árið 2017 en 27 milljónir árið 2016.

Hótel og veitingastaðir hætta rekstri

Veitingastaðurinn Nora
Mynd: Axel Þorsteinsson

Veitingastaðurinn Nora lokaði í byrjun ágúst og hafa nýir aðilar tekið við rekstrinum.  Einn eigenda Nora segir í samtali við visir.is að lokunina megi skrifast m.a. á erfiðan vetur og rigningarsamt sumar.

Laundromat Cafe við Austurstræti 9 þurfti að loka þar sem ekki náðist samkomulag um áframhaldandi samstarf við leyfishafann þvottakaffi ehf og eiganda þess.

Undir lok apríl síðastliðinn opnaði nýtt veitingahús við Mýrargötu 31 í Reykjavík. Veitingahúsið fékk heitið LOF og tæplega þremur mánuðum síðar var staðnum lokað þar sem blasir gjaldþrot fyrirtækisins við.

Argentína Steikhús
Mynd: facebook / Argentína Steikhús

Argentína lokaði í apríl s.l. en þá hafði hluti starfsliðsins ekki fengið greidd laun fyrir marsmánuð og iðgjöld af launum starfsfólks hefur ekki verið greidd frá því í maí í fyrra að því er fram kom á vef Fréttablaðsins.

Veitingastaðurinn Yogafood við Grensásveg lokaði fyrr á árinu, en staðurinn var áður til húsa að Hringbraut 121 þar sem hótelið Oddson er.

Nú á dögunum var veitingastaðnum Holt á Hótel Holti lokaður eftir rúmlega hálfs árs rekstur í höndum nýrra rekstraraðila.

Nú um mánaðarmótin s.l. lokaði La Poblana á Hlemmi Mathöll. Staðurinn bauð upp á mjúkar maíspönnukökur gerðar á staðnum sem bornar voru fram með grænmeti, kjöti eða sjávarfangi og framandi chilisósum.

Hótelið Oddsson við Hringbraut 121 í gamla JL húsinu í Vesturbæ Reykjavíkur
Mynd: Smári Valtýr Sæbjörnsson

Hótelið Oddsson við Hringbraut 121 í gamla JL húsinu í Vesturbæ Reykjavíkur hættir rekstri. Á hótelinu Oddsson var veitingastaðurinn Bazaar ásamt kaffihúsi, stórum bar og bistro veitingastað, allt á jarðhæð hótelsins. Fyrirhugað er að erlend hótelkeðja mun taka yfir reksturinn.

Kjöt & Fiskverslunin við Bergstaðastræti 14 í Reykjavík hefur verið lokuð fyrir fullt og allt.  Verslunin var fyrst opnuð fyrir fjórum árum síðan og önnur verslun var opnuð við Garðatorgi í Garðabæ en sú lokaði fyrr á þessu ári.

Hjónin Sindri Daði Rafnsson og Íris Dröfn Kristjánsdóttir eigendur Sindra Bakari Cafe á Flúðum hafa lokað bakaríinu, en í tilkynningu frá þeim á facebook segir að ekki sé rekstrargrundvöllur á bakaríinu í því formi sem það er.

Kumiko te- og kaffihús
Mynd: Jan Knüsel

Japanska te- og kökuhúsið Kumiko hættir rekstri.  Það er Kökulistakonan Sara Hochuli sem opnaði Kumiko á síðari hluta árs 2016.