Laundromat Cafe við Austurstræti 9 lokar

Friðrik Weisshappel hefur sent frá sér tilkynningu um lokun á veitingastaðnum Laundromat Cafe við Austurstræti 9.

„Kæru íslendingar til sjávar og sveita.

Eftir 7 frábær ár í Austurstræti 9 hryggir það mig að tilkynna um lokun The Laundromat Cafe næstkomandi sunnudag þann 11. febrúar kl.23:00.
Ekki náðist saman um áframhaldandi samstarf við leyfishafann þvottakaffi ehf og eiganda þess.

Ég vil þakka öllum sem hafa heimsótt okkur í gegnum árin í eitt fallegasta hús Reykjavíkur fyrir stórkostlegar viðtökur frá fyrsta degi og einnig öllum sem ég hef kynnst og unnið með á þessu tímabili, mikið asskoti var þetta gaman ! takk.

Við erum í viðræðum við nýja samstarfsaðila og líkur á að Laundromat Cafe opni fljótlega aftur á öðrum stað…. en nú er ekki meira um þetta að segja en…..

Köttur út í mýri, úti er ævintýri ! í bili.

Ást og friður til allra.

Friðrik Weisshappel Jónsson
eigandi The Laundromat Cafe í Kaupmannahöfn“

Mynd: af heimasíðu The Laundromat Café