Sandhótel opnar veitingastað – Tinna og Loftur taka fylgjendur veitingageira snappsins með í ferðalag

Sandhótel á Laugavegi 34a, lúxushótel sem er viðurkennt af Small Luxury Hotels of the World, hefur opnað veitingastað.

Sand Bar & Bistro er veitingastaður í umsjón Tinnu Óðinsdóttur framreiðslumeistara og Lofts Hilmars Loftssonar framreiðslumanns. Matreiðslan á Sand Bar & Bistro er í umsjón Friðleifs „Fidda“ Þrastarssonar og má búast við heillandi matargerð og framúrskarandi vínlista frá þessum aðilum þar sem megin áhersla verður lögð á lífrænt ræktuð og lífefld vín.

Barinn er með úrval af sérvöldum ginum og eru hanastélin með meigin áherslu á áframhaldandi ginvæðingu Reykjavíkur.

Eldhúsið er opið þriðjudag til sunnudags frá 07:00-21:00. Barinn er opinn frá 15:00 til 23:00. Mánudaga er opið frá 07:00 til 14:00 en lokað á kvöldin.

Veitingageira snappið á Raw Wine Fair í London

Tinna Óðinsdóttir og Loftur Hilmar Loftsson heimsækja Raw Wine Fair í London sem er hátíð sérhæfð í lífrænt ræktuðum og lífefldum léttvínum.

Á hátíðina mæta um 200 framleiðendur frá öllum heiminum og bjóða upp á kynningar, fræðslu og smakk af yfir 500 vínum.

Tinna og Loftur ætla að taka fylgjendur veitingageira snappsins með í þetta ferðalag, en hátíðin er sunnudaginn 11. mars og mánudaginn 12. mars næstkomandi.

Fylgist með á snapchat aðganginum: veitingageirinn

Samsett mynd: Sandhotel.is / Veitingageirinn