Röstin við Garðskagavita – Veitingarýni

Hef farið nokkrum sinnum í hádeginu á veitingastaðinn Röstina, sem nýju rekstraraðilarnir Jóhann Ísberg og Sigurður Þorsteinsson hafa verið að byggja upp frá því í fyrra vor.  Röstin er staðsett á efri hæð hússins sem hýsir Byggðasafnið við Garðskagavita.

BBQ kjúklingur.
Marineraður kjúklingur með frönskum, salati og sveppasósu.

„Alveg ágætis réttur.  Lærið á kjúklingnum notað og kjötið mjög meyrt og bragðgott.  Sá reyndar fyrir mér að fá heita sveppasósu, en þessi kalda var engu að síður góð.“

Öll skiptin sem ég og sessunautur minn höfum mætt, þá hefur staðurinn verið tómur.  Þjónustan í meðallagi, hnífapörin gleymdust, engin músík, ómur af fréttum frá tölvu þjónsins.  Þó við værum bara tvö í salnum, þá var þjónninn stundum of upptekinn við að vera í tölvunni en að fylgjast með salnum.  Eitt skiptið var ekki hægt að kaupa hamborgara af því að kokkurinn var veikur, en hann kemur alltaf með ferskt með sér að sögn þjónsins.

Þó svo nokkrir hnökrar séu þjónustinni á Röstinni, þá fær staðurinn góða dóma hjá mér. Hlýlegur staður með dúkum, viðarklæðningu á völdum veggjum, góðum mat og stórkostlegu útsýni.