Philip Scheel Grønkjær – Grand restaurant – Veitingarýni – F&F

Philið Scheel Grönkjær og Vignir Hlöðversson yfirmatreiðslumaður

Það er Philip Scheel Grønkjær frá Danmörku sem leyfir gestum Grand restaurant að smakka hugmyndir sínar í matargerð. Philip Scheel hefur meðal annars starfað á hinum víðfræga veitingastað Nimb í Kaupmannahöfn. Árið 2014 stofnaði Philip sitt eigið fyrirtæki, Monomonofoodfool sem sérhæfir sig í gerð matreiðslubóka, veitingastaðaráðgjöf ásamt fleiru. Raunar ætlaði hann ekki alltaf að verða kokkur, hann byrjaði nám í lífefnafræði við Háskólann í Kaupmannahöfn.

Léttgrillaður stökkur aspas, blóðappelsína, pikklaður rauðlaukur og blómkálskrem

Fallegur réttur.

Steiktur leturhumar, lardo, blaðlaukur, verbena, söl

Svínaspekkið ofan á gerði mikið fyrir réttinn. Blaðlaukurinn og soðið bragðlaust.

Tartar úr grillaðri folaldalun, fáfnisgras, skarlottulaukur og ediksduft

Yndislegur réttur. Esdragonbragð fannst vel í gegnum tartar og brauðteningarnir komu með gott bit.

Fennelgrafin léttsteikt bleikja, gljáð smágrænmeti, chili-krem

Afskaplega fallegur réttur með tveimur tegundum af bleikju. Gott bragð.

Lambahryggvöðvi, hey, sellerýrót, sólselja, súrmjólk

Einfaldur en bragðgóður.

Hvítt súkkulaði, skyr, rauðrófur, sítrónuolía

Eins og annað í kvöld þá var eftirrétturinn fallega uppsettur. Allt virkaði vel. Úr því að það var talað um sítrónuolíu þá hefði mátt vera meiri sýra í réttinum.

Hilmar Sverrisson og Vilhjálmur Guðjónsson

Þegar allt kemur til alls þá var maturinn virkilega góður á Grand, allt vel eldað. Staðurinn hefur nýlega verið endurnýjaður og er veitingastaðurinn mjög myndarlegur. Svo var það afskaplega kósý að hlusta á tvo bráðsnjalla jazzista sýna snilli sína. Takk fyrir okkur!

/Ágúst