Ómótstæðileg ostamús með rjóma

Krydduð ostamús er ómótstæðilegur eftirréttur að hausti og í kringum hátíðirnar sem tekur um 15 mínútur að framreiða. Hátíðlegur keimur af ostamúsinni með engifer kökum í botninum og mjúkum rjómanum kitla bragðlaukanna. Þrátt fyrir kryddkeiminn er ostamúsin einstaklega létt og góð.

Uppskriftin dugar fyrir 6

Innihald

• 8 stk. engiferkökur
• 30 g smjör
• 500 ml rjómi frá Gott í matinn
• 250 g rjómaostur til matargerðar frá Gott í matinn
• 70 g sykur
• 2 msk. síróp
• 1 tsk. vanilludropar
• 1 tsk. kanill
• ¼ tsk.
• ¼ tsk. múskat
• ¼ tsk. engifer
• 1/8 tsk. negull
• 1/8 tsk. kardimommur

Toppur

• rjómi frá Gott í matinn
• 2 msk flórsykur
• kanilstöng
• rósmarín
• muldar engiferkökur

Aðferð

1. Myljið kökurnar gróflega, bræðið smjör, blandið því saman við og hrærið öllu saman.
2. Setjið 2 msk. af engiferkökum í botninn á hverju glasi fyrir sig.
3. Þeytið rjóma þar til hann er orðinn stífur og stendur. Takið helminginn til hliðar til þess að setja á toppinn.
4. Þeytið rjómaostinn ásamt sírópi, vanilludropum og öllu kryddi. Blandið helmingnum af þeytta rjómanum saman við og hrærið saman með sleif. Setjið blönduna í sprautupoka og sprautið yfir engiferkökurnar.
5. Blandið flórsykri saman við restina af rjómanum og hrærið varlega saman. Setjið rjómann í sprautupoka og sprautið honum fallega ofan á ostamúsina. Skreytið með kanilstöng, rósmarín og muldum engiferkökum.
6. Geymið kökurnar í kæli þar til þær eru bornar fram.