Ólöglegt varnarefni í brauðstöngum

Matvælastofnun varar við einni framleiðslulotu af Grissini sesam brauðstöngum. Varan inniheldur varnarefnið ethylene oxide sem ekki er leyfilegt að nota í matvælaframleiðslu. Krónan, sem flytur inn vöruna, hefur innkallað hana með aðstoð Heilbrigðiseftirlits Hafnarfjarðar, Garðabæjar og Kópavogs.

Matvælastofnun fékk upplýsingar um vöruna í gegnum RASFF evrópska viðvörunarkerfið um matvæli og fóður og gerði heilbrigðiseftirlitinu viðvart.

Innköllunin á eingöngu við um eftirfarandi framleiðslulotu:

Vörumerki: Buon Pane
Vöruheiti: Grissini
Strikanúmer: 8005221101842
Nettó magn: 1kg
Best fyrir: 18.3.2021
Framleiðsluland: ítalía
Dreifingaraðili Krónan
Dreifing: Krónan Akrabraut, Krónan Fitum, Krónan Flatahrauni, Krónan Grafarholti, Krónan granda, Krónan Lindum, Krónan Mosfellsbæ, Krónan Norðurhellu, Krónan Selfossi, Krónan Vallarkór

Viðskiptavinum sem verslað hafa vöruna er bent á að skila henni í viðkomandi verslun.