Nýtt borðabókunarkerfi mætir á Stóreldhúsið í fyrsta sinn

Kjartan Þórisson, framkvæmdastjóri Noona, hafði eftirfarandi að segja við Veitingageirann:

„Það eru núna rúmir 8 mánuðir frá því að Noona keypti SalesCloud og á þessum tíma hefur það verið okkur sönn ánægja að kynnast öllu þessu magnaða fólki sem íslenski veitingageirinn hefur upp á að bjóða. Við erum spennt að mæta á Stóreldhúsið í fyrsta sinn og taka þannig meiri þátt í þessu samfélagi, en við munum halda uppi góðri hefð vina okkar hjá SalesCloud og bjóða upp á ljúffenga kokteila í samstarfi við snillingana hjá Reykjavík Coctails.

Básinn okkar mun vera merktur Noona en við tökum að sjálfsögðu vel á móti öllum viðskiptavinum SalesCloud, enda munu þessi tvö vörumerki fyrr en síðar renna í eitt, enda er framtíðin Noona! Okkur hlakkar til að taka vel á móti öllum sem hafa áhuga á hugbúnaðarlausnum fyrir veitingageirann og vilja læra meira um hvernig ný kynslóð bókunarkerfa getur hjálpað að draga úr kostnaði við bókanir á netinu og aukið sölu á sama tíma. Sjáumst á fimmtudaginn!“