Nýr veitingastaður opnar í Ólafsvík

Sker restaurant er nýr veitingastaður við Ólafsbraut 19 í Ólafsvík sem opnaði í júní s.l.  Húsnæðið var tekið algjörlega í gegn en áður var Smiðjan dagþjónusta og vinnustofa fyrir fólk með skerta starfsgetu rekin í húsinu sem þar áður hýsti Sparisjóð Ólafsvíkur, að því er fram kemur á heimasíðu skessuhorn.is.

Mikill fjöldi gesta lagði leið sína á veitingastaðinn og til að mynda fyrstu tvo dagana sem Sker restaurant var opinn komu um 400 matargestir, mest heimafólk.

Eigendur staðarins eru þau Arnar Laxdal Jóhannsson, Bryndís Ásta Ágústsdóttir og Lilja Hrund Jóhannsdóttir, sem er jafnframt yfirmatreiðslumaður staðarins en hún lauk sveinsprófi í matreiðslu í desember síðastliðnum frá veitingastaðnum VOX.

Fjölbreyttur matseðill er á boðstólnum eins og sjá má á meðfylgjandi myndum:

Framkvæmdir stóðu yfir síðastliðinn vetur

Brotinn var niður veggur

Góð breyting

Sker býður upp á brunch allar helgar á milli kl. 11:30 og 16:00 á laugardögum og sunnudögum.

Fjölbreyttur brunch matseðill er í boði

Sker Restaurant er með nær fullt hús stiga á Tripadvisor.

Sker restaurant er staðsettur við Ólafsbraut 19 í Ólafsvík:

Fylgist með Sker á facebook hér.

Myndir og matseðill: facebook / Sker restaurant