Sverrir Halldórsson

Nýjar höfuðstöðvar Garra hafa verið fjármagnaðar

Birting:

11 ár síðan

þann

24.10.2015

Eftir

Fjárfestingafélag atvinnulífsins og Garri ehf. hafa undirritað fjármögnunarsamning að fjárhæð 1,8 milljarða kr. vegna byggingar nýrra höfuðstöðva Garra ehf. að Hádegismóum 1-3. Fjárfestingafélag atvinnulífsins er fjármagnað af lífeyrissjóðum en ALM Verðbréf hf er rekstraraðili félagsins.

Gert er ráð fyrir að nýjar höfuðstöðvar verði um það bil 8.300 fm að stærð. Framkvæmdir eru þegar hafnar en gert er ráð fyrir að verklok verði i byrjun árs 2017, að því er fram kemur á vef Viðskiptablaðsins.

Sigurður Kristinn Egilsson, framkvæmdastjóri Fjárfestingafélags Atvinnulífsins segir í tilkynningu um málið að ánægjulegt sé að Fjárfestingafélag atvinnulífsins komi að fjármögnun nýrra höfuðstöðva Garra. Hann segir Garra vera fjárhagslega sterkt félag, sem endurspeglist í sterku lánshæfismati sem sé með því hæsta sem sjáist hjá meðalstóru íslensku fyrirtæki. Því sé ánægjulegt að geta boðið samkeppnishæf kjör í fjármögnun fyrir jafn öflugt félag og Garra ehf.

Greint frá á vidskiptabladid.is

Mynd: úr safni.

Tög:Garri heildverslun

Sverrir Þór Halldórsson

† 1956-2015 | Sverrir er matreiðslumeistari, en hann lærði matreiðslu á Hótel Sögu og var við nám í hótelstjórnun í Álaborg. Hann hefur starfað mjög víða, m.a. á veitingastöðum í Englandi og Danmörku. Einnig á stöðum hér heima, m.a. Hótel Sögu, Óperu, Holliday Inn, Ránni og Þotunni í Keflavík, Fossnesti á Selfossi. Sverrir er beinskeyttur, opinskár og harðsoðinn penni.

Auglýsingapláss