Nýársfagnaður SKG veitinga á Ísafirði

Nýársfagnaður SKG veitinga verður haldinn laugardaginn 7. janúar. Á undanförnum árum hafa matreiðslumenn SKG-veitinga boðið gestum sínum rétti sem sjaldgæfir eru á matseðlum veitingahúsa.

Meðal annars hafa þeir föndrað við akurhænur og dádýr. Á matseðlinum árið 2006 eru að vanda mjög forvitnilegir réttir.

Má þar nefna önd „oranges“ með kartöfluköku, sellerírótarkremi og fáfnisgrassoðkjarna, marineraðir ávextir með stökkum kryddbrauðsteningum og ástríðualdinfrauði og mesta athygli vekur kengúrukjöt með brasseruðu jólasalati og steinseljurótarmauki.

Matreiðslumeistari kvöldsins verður Bolvíkingurinn Halldór Karl Valsson matreiðslumeistari á Hótel Holti og Norðurlandameistari í Norrænu nemakeppni árið 2004. Veislustjóri verður Ólína Þorvarðardóttir og Halldór Smárason seiðir fram ljúfa tóna yfir borðhaldinu. Þá mun stórsöngvarinn Bjarni Arason syngja fyrir veislugesti og Baldur og Margrét leika fyrir dansi fram á nótt.

– Matseðill –
Fordrykkur og lystauki

Kengúra með brasseruðu jólasalati og steinseljurótarmauki

Sítrónugrafin lúða með lárperu og sultuðum fennel

Önd „oranges“ með kartöfluköku, sellerírótarkremi og fáfnisgrassoðkjarna

Marineraðir ávextir með stökkum kryddbrauðsteningum og ástríðualdinfrauði

Súkkulaði tart með kókos „parfait“

Kaffi og heima gert konfekt

Verð á mann er kr. 8.500,-

Einnig er boðið upp á glas af sérvöldum vínum með hverjum rétti.
Verð á kvöldverði með vínum kr. 12.500,-

Heimild:
Skg.is
bb.is