Fyrsta villibráðarkvöldið hjá Við Pollinn

Halldór og Eiríkur eru ánægðir með fyrstu vikurnar sem Við Pollinn hefur starfað.

Mikil aðsókn hefur verið í villibráðakvöld sem haldið verður hjá veitingastaðnum Við Pollinn á laugardag. Að sögn Halldórs Karls Valssonar eru aðeins nokkur sæti laus.

Villibráðarkvöldin eru orðin árlegur viðburður á Ísafirði en er þetta í fyrsta sinn sem Við Pollinn ræðst í verkið þar sem SKG-veitingar hafa staðið fyrir þeim hingað til, segir á vestfirska fréttavefnum BB.is.

„Það verður svipað snið og venjulega nema að það bætast nokkrar spennandi villibráðir við þær íslensku og hefðbundnu. Meðal þess sem boðið verður upp á er krónhjörtur, héri og kengúra“, segir Halldór Karl Valsson, annar eigandi Við Pollinn. Veislustjóri verður Grímur Atlason, bæjarstjóri í Bolungarvík og boðið verður upp á lifandi tónlistarflutning.

Villibráðarseðill Við Pollinn á vestfjörðum þar sem tún og haf frjósa saman á blíðviðris haustdögum:

Gæs, akurhæna, jarðsveppir

~ 0 ~

Skötuselur, saffran, agúrka, sellerírót

~ 0 ~

Mynta, klaki, freyðivín,

~ 0 ~

Hreindýr, gulrætur, strengjabaunir, kartöflur

~ 0 ~

Ostar, brauð, balsamik

~ 0 ~

Heit, kalt, frosið

Mynd: bb.is