Nóg framundan í Happy Hour hlaðvarpinu hjá Viceman

Happy Hour með the Viceman er hlaðvarp sem fjallar um veigar í fljótandi formi. Í þáttunum spjallar Andri Viceman við framúrskarandi fólk um kokteila, léttvín, bjór og aðra drykki.

Nýlega kom út þáttur þar sem hlustendur fengu að skyggnast á bak við tjöldin hjá íslenska vínbóndanum Höskuldi sem framleiðir hágæða léttvín og vermút undir nafninu Hauksson Weine í Sviss.

Höskuldur Hauksson vínbóndi

Á næstunni bætast tvær nýjar þáttaraðir í Happy Hour sem verða með öðruvísi sniði.

Annarsvegar er um að ræða Frumskóginn þar sem Andri ásamt Jónasi og Jónmundi á kokteilbarnum Jungle taka fyrir fyrirfram ákveðin málefni sem tengjast bar og kokteila heiminum. Frumskógurinn er án efa þáttur fyrir unga og áhugasama barþjóna og aðra sem hafa áhuga á kokteilagerð.

Kokteilar með Viceman & Wiseguy er svo 10 þátta sería þar sem Andri fær til liðs við sig barþjóna legendið Valgarð Finnbogason og saman kafa þeir í söguna á bakvið 50 vinsælustu kokteila í heimi að mati Drinks International listans 2021. Í hverjum þætti verða 5 kokteilar teknir fyrir.

Happy Hour má nálgast á öllum helstu hlaðvarps veitum, á www.viceman.is @happyhourviceman á instagram og facebook grúppan.

Smelltu hér til að fá beinan link á spotify ef þú getur ekki beðið eftir því að byrja að hlusta.

Hér má svo skyggnast á bakvið tjöldin á instagram hjá the viceman.