Nobu opnar hótel í New York

Robert De Niro fær sér að borða á Nobu í Honolulu

Nobu, sushi veitingahúsakeðjan, ætlar að reisa 200 metra hátt glerhýsi í nágrenni Kauphallarinnar í New York þar sem rekið verður fimm stjörnu hótel með 128 herbergjum og veitingastaður, sem verður fjórði Nobu veitingastaðurinn í New York.

Verður hótelið það fyrsta sem Nobu opnar í Bandaríkjunum en verið er að reisa Nobu hótel í Hezliya Marina við Miðjarðarhafsströnd Ísraels.

Nobu, en einn eiganda keðjunnar er leikarinn Robert De Niro, rekur á annan tug veitingastaða í heiminum.

Framkvæmdir við bygginguna hefjast síðar á árinu og opna á hótelið eftir tvö ár. Auk hótelherbergja og veitingastaðar verður heilsuklúbb, sake-kjallara og kvikmyndaherbergi að finna í glerhýsinu.

Upplýsingar um Nobu-veitingahúsakeðjuna

Greint frá á Mbl.is | Mynd: usatoday.com