Myndir frá Kokkur Ársins 2017

Keppnin um titilinn Kokkur Ársins 2017 stendur sem hæst í Flóa í Hörpu og lýkur kl 22.00, þar sem keppendur elda 3ja rétta matseðil í IKEA eldhúsum með hráefni frá Nettó.

Fjölmargir gestir hafa fylgst með keppninni í allan dag. Gestir sem tryggðu sér miða á sérstakan Kokkalandsliðs kvöldverð samhliða keppninni fá að fylgjast með síðustu réttunum sem koma úr eldhúsum keppenda.

Keppendur sem keppa um titilinn Kokkur ársins 2017:

• Bjarni Viðar Þorsteinsson – Sjávargrillið
• Garðar Kári Garðarsson – Deplar Farm / Strikið
• Hafsteinn Ólafsson – Sumac Grill + Drinks
• Rúnar Pierre Heriveaux – Grillið Hótel Saga
• Víðir Erlingsson – Bláa Lónið

Gummi Ben heldur uppi keppnisstemningu og Eyþór Ingi og landsliðið spila í takt. Um val sigurvegarans sér fjölskipuð 11 manna dómnefnd sem fylgir eftir vinnubrögðum keppenda í þaula og smakkar allan matinn.

Yfirdómari er Krister Dahl frá Svíþjóð. Þórdís Kolbrún Reykfjörð Gylfadóttir ráðherra ferðamála, iðnaðar og nýsköpunar mun síðan krýna Kokk ársins 2017 í lok kvölds.

Bein útsending

Boðið verður upp á beina útsendingu í kvöld sem hægt er að horfa á með því að smella hér.

Myndir tók Sigurjón Sigurjónsson