Myndir frá a la carte æfingu framreiðslu-, og matreiðslunema – Met slegið í fjölda nemenda í bakara-, og kjötiðn

Í verklegri æfingu um daginn hjá þriðja bekk í framreiðslu og matreiðslu í Hótel og matvælaskólanum í Kópavogi þá var svokölluð A la carte æfing.

„Við erum með ca tvær svo leiðis æfingar á hverri önn og fjórar til fimm æfingar sem hafa samsettan seðil.

Eitt af því skemmtilegasta við þessar æfingar er að nemendurnir fá að leika lausum hala og búa sjálf til réttina alveg frá grunni.“

Sagði Haraldur Jóhann Sæmundsson matreiðslumeistari og framkvæmdastjóri Hótel- og matvælaskólans í samtali við veitingageirinn.is.

Á þessari æfingu voru tæplega 50 gestir og kostar 6000 kr per gest. Innifalið í því er maturinn og vínpörun.

Fjöldi gesta ræðst á því hversu margir nemendur eru á hverri önn.

Þessi tegund af æfingum er sett þannig upp að gestirnir koma inn á nokkrum mismunandi tímasetningum á tvö sex manna borð.

Framreiðslunemarnir byrja á því að bjóða upp á þrjá mismunandi kokteila fyrir hvert borð, kennarinn velur fyrir fram hvaða kokteila neminn á að gera og eru nemendur metnir út frá því hvernig þeir gera drykkina. Matreiðslunemarnir eru metnir út frá bragði á mat, framsetningu og mörgu öðru.

Nemendurnir æfa sig í mismunandi framsetningu á matnum og það er undir þeim komið að passa að bragðið á matnum tóni við vínið.

Met slegið í fjölda nemenda

Í vetur var nýtt met slegið í fjölda nemenda í Hótel og matvælaskólanum og fyrir þá sem hafa áhuga, þá er búið að opna fyrir umsóknir í verknámið hjá skólanum. Met var slegið í fjölda bakaranema á þessari önn og sama má segja um kjötiðnaðarnemana.

Matseðillinn var á þessa leið:

AMUSE BOUCHE

Grásleppusalat
kryddjurtarmajónes

Framreiðslunemendur hafa valið vín á hvert borð og munu útskýra fyrir gestum.

KALDIR FORRÉTTIR

Rauðrófuterrin
Rauðrófutoffie, rauðrófu rjómaostur, grænt pestó, heslihnetur og rifsberja vinaigrette

Lúðu þynnur
Sýrð kínahreðka, sjávartrufflu vinaigrette, hunangsmelónuperlur

Lambatartar
Sesamkex, rúgbrauð, jarðskokkaflögur

HEITIR FORRÉTTIR

Tómatseyði
Fylltur kirsuberjatómatur, tómat kex, fennel

Kjúklingalifur
Beikon-spínatsalat

Hörpuskel
Snjókrabba bisquet, saltaður hrognsekkur

AÐALRÉTTIR

Grænmetis Rossini
Sellerírót, Brioche, smjörsteiktir sveppir, tómatgljái

Auglýsingapláss

Rauðsprettu Ballontína
Kartöfluhreiður, beurre blanc

Peking önd
Pommes aligot, anda parfait, gulrætur

EFTIRRÉTTIR

Páskaegg
Súkkulaðitart,rifsberjagel, rifsberjacoulis

Úrval íslenskra osta
Kex, bláberjasulta

Baked Alaska
Svampbotn, appelsínuís, ítalskur marengs

Petit Four
Toffies, franskt núggat, truffla

Myndir: aðsendar / Hinrik Carl Ellertsson