Myndasafn: Nýr veitingastaður í Reykjavík

Föstudaginn 13. mars var formleg opnun á Dill restaurant en hann er staðsettur í Norræna húsinu, forsvarsmenn eru Ólafur Örn Ólafsson formaður Vínþjónasamtaka Ísland og fyrrverandi yfirþjónn á Vox og Gunnar Karl Gíslasson fyrrverandi yfirkokkur á Vox og meðlimur í landsliði matreiðslumanna.

Gunnar hefur verið fremstur í flokki þeirra sem hafað unnið út frá nýnorrænni matargerð og verður það þema veitingastaðarins.

Í hádeginu verður létt yfir og þekktir norrænir réttir sem falla undir hugtakið Husmandskost í boði, en í nútíma útfærslu matreiðslumannsins ( má þar nefna biximat, plokkfiskur, kjötbollur of lambaskanka ) einnig verður súpa og salöt í boði.

Á kvöldin verður skipt um gír og nýnorræna eldhúsið í allri sinni dýrð ræður ríkjum í margrétta matseðlum.

Ekki skal gleyma að segja frá því að útsýni á veitingastaðnum er stórfenglegt út úr skarkalanum en þó það nálægt að hægt er að fylgjast með honum.

Er það okkar von á Freisting.is að þessi hugmynd þeirra félaga gangi upp því hún er kærkomin viðbót í flóru veitingahúsa hér í borginni.

Smellið hér til að skoða myndir frá opnuninni
Formlega opnanir / Dill opnun

Mynd: Matthías Texti: Sverrir