Myndasafn: Brauð Kjöt og Vín

Mynd: Matthías Þórarinsson

Að sögn Baldurs Sæmundssonar eru um 10 ár frá því að þessi hátíð var haldin í Hótel og Matvælaskólanum fyrst en ekki hefur hún verið öll árin heldur ráðist af því hversu margir nemendur í kjötiðn, bakara og framreiðslu hafa verið í 3 bekk.

Eitt aðalmarkmið með þessu er og verður að draga þær 2 iðngreinar sem vinna yfirleitt bak við luktar dyr inn á meðal neytenda og skapa grundvöll til beinna samskipta í tengslum við smökkun á hráefni sem hópurinn hefur lagað undir dyggri leiðsögn fagkennara skólans.

Aðkoma framreiðsludeildar snýr að salnum og þjónustu í kringum það svo sem með umhellingu ,flamberingu og upplýsingargjöf.

Meðal þess sem var á boðstólunum var heimalöguð hráskinka, reyktur og grafinn lax og bleikja , ýmiskonar pylsur, 3 tegundir af villibráðarpatéum, lifrakæfa, frá bökurum kom orkuboltinn ( brauð sem hefur verið í hönnun í skólanum ), tómatbrauð, hvítlauksbrauð, brauð úr byggi frá þorvaldseyri svo eitthvað sé nefnt.

Verður að segja að þessi uppákoma er skólanum til mikillar fyrirmyndar og óskum við þess innilega á freisting.is að þetta verði til að efla eldmóð þeirrra í áðurnefndum stéttum til að koma fram á völlinn og verða með.

Einnig vakti það eftirtekt þegar á 3. tug kjötiðnaðarmeistarar gengu í salinn í fullum skrúða, en þeir höfðu haldið fund þennan sama dag í skólanum ég segi bara flott hjá ykkur.