Myglusveppaeitur í brasilíuhnetum

Matvælastofnun varar við neyslu á Delicata Brasilíuhnetum í 100 gramma pokum vegna of mikils magns aflatoxíns myglusveppaeiturs. Upplýsingar um innköllun bárust Matvælastofnun frá Danmörku í gegnum RASFF evrópska hraðviðvörunarkerfið um hættuleg matvæli á markaði. Aðföng hafa innkallað hneturnar sem voru til sölu frá 9. ágúst, í samráði við Heilbrigðiseftirlit Reykjavíkur. Varan var seld í verslunum Bónusar og Hagkaupa um allt land.

Eftirfarandi upplýsingar auðkenna vöruna sem viðvörun og innköllun einskorðast við:

• Vörumerki: Delicata
• Vöruheiti: Brasilíuhnetur
• Uppruni: Bólívía
• Strikanúmer: 5690350050647
• Nettómagn: 100 g
• Best fyrir: 30.04.2019
• Framleiðandi: System Frugt A/S, Danmörku
• Innflytjandi: Aðföng, Skútuvogi 7, 104 Reykjavík
• Dreifing: Verslanir Bónus og Hagkaupa um land allt

Viðskiptavinum Bónus og Hagkaupa sem keypt hafa vöruna er bent á að þeir geta skilað henni í verslunina þar sem hún var keypt gegn fullri endurgreiðslu.

Nánari upplýsingar um sveppaeitur er hægt að nálgast á heimasíðu Matvælastofnunnar hér.