Myglulykt, matarleyfar á veggjum og fleira í Kjarvalsversluninni á Kirkjubæjarklaustri

Linda Ösp Gunnarsdóttir, íbúi Skaftárhrepps, deilir á facebook upplifun sína á Kjarvalsversluninni á Kirkjubæjarklaustri.

Þar lýsir hún að það sé eins og að ganga á vegg þegar komið er inn í búðina vegna myglulyktar, sjá ís lekandi úr frysti, reykingarlykt úr mjólkurkæli og fleira.

Linda hefur sent tölvupóst bæði til yfirmanna verslunarinnar og eins heilbrigðiseftirlitsins, í júlí 2018, apríl 2019 og júlí 2019, til að vekja athygli á málinu en lítið hefur áunnist og allar lausnir hafa verið skammvinnar að sögn Lindu.

Kjarval er hluti af Krónunni sem er í 100% eigu Festi hf.

Sér til stuðnings birtir Linda fjölmargar myndir sem teknar voru á tímabilinu júlí 2018 til dagsins í dag.