Michelin-kokkur opnar nýjan veitingastað á Guernsey: Eldur, sjávargróður og smakkseðill fyrir sælkera

Nathan Davies, kokkurinn á bak við hinn rómaða Michelin-veitingastað SY23 í Aberystwyth, háskólabæ á vesturströnd Wales, hefur nú opnað nýjan veitingastað á Guernsey, einni af Ermasundseyjunum sem liggja milli Englands og Frakklands.

Nathan Davies

Nýi veitingastaðurinn nefnist Vraic, sem er staðbundið orð á málinu Guernésiais yfir sjávargróður. Nafnið gefur tóninn fyrir það sem gestir geta búist við: náttúrulegt, hrátt og frumlegt eldhús þar sem eldurinn ræður ríkjum.

Vraic státar af glæsilegri staðsetningu með útsýni yfir Chouet Bay, og rúmar að hámarki 24 gesti í einu. Áherslan er á opinn eld og eldun á grilli sem er innblásið af baskneskri hefð. Á matseðlinum má finna tíu til tólf rétta smakkseðil sem kostar 145 pund, en hægt er að bæta við vínpörun fyrir 95 pund til viðbótar.

Dæmi um rétti eru meðal annars léttgrillaður humarhali úr heimahögum með sjávargróðri og brúnni smjörsósu, sem og tilbrigði við klassísk jarðarber og rjóma með heimagerðum súrrjóma, ferskum berjum, flóruolíu, pækluðu flóru og marengs.

Vraic opnaði formlega þann 30. júlí síðastliðinn og hefur þegar vakið athygli fyrir djarfa en natúralíska nálgun við hráefni og eldunartækni. Með fá sæti og metnaðarfullri sýn er ljóst að Vraic stefnir að því að verða nýr áfangastaður fyrir matgæðinga sem sækjast eftir upplifun utan hins hefðbundna.

Vídeó

Nathan Davies og teymið hjá Vraic unnu náið með @penrhiw_pottery í fjöllum Wales við að hanna handunna keramíkdiska sem endurspegla matargerðina og umhverfið sem þeir skapa í nýja veitingastaðnum.

Ef Instagram færslan birtist ekki hér fyrir neðan er ráð að endurhlaða síðuna (e. refresh).

 

View this post on Instagram

 

A post shared by @vraicrestaurant

Myndir: vraic.gg