Michelin Guide á Íslandi

Nú er tími til kominn að taka fram sparistellið og setja upp sparibrosið, því að eftirlitsmenn frá Michelin guide eru á Íslandi, eins og sjá má í tilkynningu frá Michelin Guide á twitter.

Hello #Iceland – land of ice and fire pic.twitter.com/7MNi95vPKa

— The MICHELIN Guide (@MichelinGuideUK) May 5, 2018

Ólafur Örn Ólafsson framreiðslumaður skrifar í facebook hóp fagmanna:

„Verið öll á tánum, gædinn er á leiðinni“

og eru fagmenn greinilega ánægðir með þær fréttir.

Fimm Íslenskir veitingastaðir eru á listanum hjá Michelin Guide, en þeir eru DILL sem er með eina Michelin stjörnu, Gallery á Hótel Holti sem nú heitir Holt Restaurant með þrjá krossa og Vox og Grillið tvo krossa.

Michelin Guide veitir einkunn fyrir andrúmsloft og þægindi staðarins en það eru skeið og gaffall í kross, frá einum til fimm krossa. Einn kross táknar „þægilegan veitingastað“ á meðan fimm krossar tákna „lúxusveitingastað.“