Metaðsókn í hreindýraveiðar

Ríflega 3.000 gildar umsóknir bárust um leyfi til að veiða hreindýr á næsta veiðitímabili sem hefst 1. ágúst næstkomandi. Þetta eru 300 fleiri umsóknir en í fyrra. Á þessu tímabili verður leyfilegt að veiða ríflega 1.330 dýr, 200 fleiri en á síðasta ári.

Það er því ljóst að ríflega helmingur umsækjenda fær ekki leyfi þegar dregið verður úr innsendum umsóknum á laugardag.

Þeir sem ekki komast að þá verða hins vegar settir á biðlista og hafa því möguleika á að komast inn ef einhver hættir við eða greiðir ekki veiðileifagjaldið á réttum tíma. Veiðitímabilið stendur í einn og hálfan mánuð.

Greint frá á Ruv.is

[email protected]