Lemon opnar í París

Eva Gunnarsdóttir, eigandi sérleyfisins í París, matreiðslumeistarinn Jón Arnar Guðbrandsson, stofnandi og framkvæmdastjóri Lemon og Jóhanna Soffía, sem starfað hefur hjá Lemon frá upphafi. Myndin er tekin fyrir utan nýja staðinn í París.

Fyrsti Lemon staðurinn á Íslandi opnaði 8. mars árið 2013 á Suðurlandsbraut 4.  Í fyrradag opnaði fyrsti Lemon staðurinn fyrir utan Ísland á 43 Rue des Petits Carreaux í öðru hverfi í París.

Parísarbúar tóku heldur betur vel á móti Lemon og var fullt út úr dyrum og fólk greinilega ánægt með sælkerasamlokurnar og ferska kaldpressaða djúsinn sem Lemon býður upp á.

Lemon í París er fyrsti sérleyfis-staður Lemon til að opna erlendis og fyrsti Íslenski veitingastaðurinn sem opnar í Frakklandi, að því er fram kemur í tilkynningu frá Lemon.

Lemon í París stendur við hinn fræga gróður vegg, L´Oasis d´Aboukir sem listamaðurinn Patrick Blanc gerði og til gamans má geta að þá lánaði Erró staðnum nokkur verk á veggina.

Fyrstu kúnnarnir á Lemon París

Áhugi á Lemon í París er mikill og sóttu 200 manns um vinnu á staðnum á fyrstu 10 mínútum eftir að atvinnu-auglýsingin birtist.

Lemon í París er í samvinnu með Anthony Bosson sem er einn vinsælasti bakari í París.  Einnig er Lemon í París einn af fyrstu samstarfsaðilum Nespresso í París.

Lemon í París býður að sjálfsögðu upp á Íslenskt skyr í Smoothies-flirt-drykkina rétt eins og hér heima – en innfæddir hafa spurt mikið um Íslenska skyrið.

Hér í google kortinu má sjá þennan einstaka vegg hans Patrick Blanc.

Fleira tengt efni:

[feed url=“https://veitingageirinn.is/tag/lemon/feed/“ number=“5″ ]

Myndir: aðsendar