Langar þig á Ólympíuleikana í matreiðslu?

Íslenska Kokkalandsliðið hreppti 6. sætið á heimsmeistaramótinu sem haldið var í Lúxemborg í fyrra.
Mynd: Brynja Kr. Thorlacius

Ertu lærður matreiðslumaður eða matreiðslunemi? Hefur þú gaman af því að elda í góðra vina hópi, skiptast á bransasögum og að ferðast til útlanda? Ef svo er þá gætir þú átt erindi í Kokkalandsliðið!

Nú er rétta tækifærið. Kokkalandsliðið mun keppa á Ólympíuleikunum í matreiðslu sem haldnir verða í febrúar 2024 en framundan er strangt og skemmtilegt æfingaferli.  Við leitum að kokkum og nemum sem hafa mikinn áhuga og metnað fyrir mat og getu til að taka þátt í ógleymanlegri lífsreynslu.

Ekki er skilyrði að hafa tekið þátt í keppni áður en vilji og geta til hópvinnu og að tilheyra sterkri liðsheild er algjört lykilatriði.

Allir sem hafa áhuga á að taka þátt eru hvattir til að senda inn umsókn og ferilskrá á kokkalandslidid@kokkalandslidid.is

Við leitum einnig að ungum matreiðslumönnum og matreiðslunemum yngri en 23 ára (árið 2024). Sem hafa áhuga á að  aðstoða landsliðið og taka þátt í að byggja upp ungkokkalandslið.

Umsóknir og fyrirspurnir sendist á kokkalandslidid@kokkalandslidid.is

Þórir Erlingsson

Þórir Erlingsson, forseti Klúbbs matreiðslumeistara