Landsliðið sýnir kalda borðið

Þetta lítur rosalega flott út, Handverkið frábært og litasamsetning frábær.

Ekki viss að mér líki að uppsetningin er öll í vinkil á móti borðbrún. Sumt mætti vera á ská til að brjóta upp sjónarhornið.
 
Annað sem ég má til með að mynnast á er að matarmyndataka á síðustu árum þar sem aðeins hluti af réttinum er í fókus fer hrikalega í taugarnar á mér.

Það var gefin út uppskrifta bók heima fyrir nokkrum árum og var til sölu á sýningu í Smáranum.  Í flestum tilfellum gastu ekki einu sinni giskað á hvað var á disknum, fyrir utan þennan hálfa sentimeter sem var í fókus.

Mér finnst að ljósmyndarar geti sýnt tæknibrellur á annan hátt og það sem matreiðslumaðurinn setur á diskinn ætti allt að vera í fókus. Sama vandamál oft þegar uppskriftir eru sýndar í tímaritum og blöðum, mér finnst að maturinn ætti allur að vara í fókus en baksviðið má vera útúr fókus. Mér finnst að þeir sem laga mat og láta ljósmynda hann mættu hugsa um þetta. Matreiðslubækur eiga ekki að vera listaverkabók ljósmyndaranns.  Ég ljósmyndaði næstum allt fyrir Gestgjafann meðan ég átti hann og reyndi mjög að fara eftir þessu.
 

Með vinsemd og mikilli virðingu fyrir góðum ljósmyndurum.  

Chef Hilmar C.M.C
Corporate Chef.
WACS Vice President.     
KeyImpact Sales.