Lærðu að fanga augnablikið: Myndagerð fyrir samfélagsmiðla í veitingageiranum

Þetta námskeið er ætlað fagfólki í matvæla- og veitingageiranum sem vill efla hæfni sína í myndagerð fyrir samfélagsmiðla og eigin nota. Unnið er með hagnýta nálgun þar sem þátttakendur læra að nýta aðstæður, ljós og umhverfi til að fanga augnablik og stemningu í starfi sínu með iPhone snjallsíma eða einfaldri myndavél.

Námskeiðið felur í sér að læra að búa til einfalt en vandað myndefni, og miðla því á réttan hátt í leik og starfi. Námskeiðið er kennt einu sinni í viku í 3 vikur, 4 klst. í senn. ATH – Námskeið þetta er ætlað þeim sem eiga Iphone síma og einfaldar myndavélar.

Fyrir hverja:

• Fagfólk í matvæla- og veitingagreinum sem vilja bæta myndatökufærni sína og fanga augnablikið þegar það gefst.

Markmið:

• Að þátttakendur öðlist traustan grunn og hagnýt verkfæri til að búa til betra myndefni, nýta ljós og umgjörð rétt, og vinna myndir á einfaldan hátt.

Á námskeiðinu verður fjallað um:

• Myndefni og árangursríka notkun þess fyrir samfélagsmiðla
• Möguleika og takmarkanir iPhone snjallsíma og einfaldari myndavéla
• Gervilýsing innandyra og í lítilli birtu
• Leikmuni, bakgrunn og uppsetningu (styling)
• Kynningu á myndvinnsluforritum
• Verklegar æfingar, einstaklings- og hópaverkefni og heimaverkefni

Að loknu námskeiði á nemandi að:

• Geta tekið flottar myndir með iPhone snjallsíma eða einfaldri myndavél
• Búið til aðlaðandi myndefni fyrir samfélagsmiðla
• Geta nýtt lýsingu og umhverfið til að fanga stemninguna
• Unnið myndefni í iPhone snjallsíma

Nánari upplýsingar um námskeiðið og skráningu má finna hér.