Kóríanderfræ innkölluð eftir að hættulegt efni greindist

Matvælastofnun varar við neyslu á einni framleiðslulotu af TRS kóriander fræjum sem Fiska/Lagsmaður flytur inn, en varan greindist með leifar af ólöglegu varnarefninu chorpyrifos. Fyrirtækið hefur innkallað vöruna í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarnes ( HEF).

Tilkynningin kom til Íslands í gegnum evrópska viðvörunarkerfið RASFF sem er tilkynningakerfi um hættuleg matvæli og fóður á markaði.

Eingöngu er verið að innkalla eftirfarandi framleiðslulotu:

• Vörumerki: TRS
• Vöruheiti: TRS dhania whole 100g (coriander seeds)
• Innflytjandi: Lagsmaður ehf. / Fiska.is
• Best fyrir 31.8.2027
• Framleiðsluland: Indland
• Framleiðandi: TRS Head Office, Southbridge Way, The Green, Southall, Middlesex UB2 4AX UK
• Geymsluskilyrði: Á þurrum stað
• Dreifing: Verslun Fiska.is, Nýbýlavegi 6, 200 Kópavogur

Neytendur skulu ekki neyta vörunnar heldur farga henni eða skila til verslunarinnar til að fá endurgreitt.

Mynd: mast.is